Серік Күдебаевқа қаңтардағы тәртіпсіздіктер кезінде қызмет бабын асыра пайдаланды деген айып тағылды.
Бұған дейін БАҚ Күдебаевтың шетелге қашқаны туралы мәлімдеген болатын. Ол Қырғызстанмен шекарадан өтіп, сол жерден Өзбекстанға өтіп, кейін Солтүстік Кипрге ұшып кетуі мүмкін екені жазылған еді.
Прокурор оны 9 жылға бас бостандығынан айыруды сұрағаннан кейін Күдебаев сотқа баруды тоқтатты. Отырыс генералдың келмеуіне байланысты 5 рет кейінге шегерілді.
Бұған дейін Жетісу облысының соты сотталушының 3 сәуірге белгіленген келесі сот отырысына мәжбүрлі түрде жеткізілетінін хабарлаған болатын.
Атышулы іс бойынша сот талқылауы 5 қаңтарда басталып, күні бүгінге дейін жалғасып жатыр. 28 ақпанда облыстық соттың ғимаратында өткен тараптардың жарыссөзінде прокурор сотталушыны 9 жылға соттауды және арнайы атақтары мен мемлекеттік наградаларынан айыруды, сондай-ақ мемлекеттік құрылымдарда қызмет атқару құқығынан өмір бойына айыруды сұрады.
