Қонаев қаласының Бас жоспарының жобасы әзірленіп, мемлекеттік органдармен келісілгеннен кейін Үкімет қаулысымен бекітілетін болады.
«Болашақта Қонаев қаласы дамыған инфрақұрылымы, жаңа әлеуметтік нысандары, көптеген саябақтар мен демалыс орындары бар, халық саны 200 мыңға жететін заманауи қалаға айналады. Жаңа серпін алған мәдениет пен ғылымның, өндіріс пен туризмнің орталығы болады», — деді облыс басшысы.
Қалалық ортаның кеңістігі мен объектілерін жүйесіз, ретсіз қалыптастыру практикасының салдарын жоюға, сондай-ақ көшелерді жобалау мен салу процесіне тәртіп пен эстетикалық бағыт енгізуге мүмкіндік беретін бірыңғай талаптар мен ұсынымдар көзделген.
Бұл үшін біздің азаматтарды, әсіресе жастарды шығармашылық көмекке, шағын сәулет нысандарын және басқа да әдемі нысандарды жасауға белсенді тарту қажет, деді аймақ басшысы.
