Қаңтар айының басында Қаратал ауданының дала аймағында Алматы облысының төрт тұрғыны ұсталды, олар Қызыл кітапқа енген жануарларды аулаған. Броконьерлердің жол талғамайтын көлігінің багажынан үш қарақұйрық ұшасы, сондай-ақ үш атыс қаруы табылды. Заңсыз әрекет жасаған аңшыларға 18,6 млн теңге айыппұл салынды.
«Олар заңсыз аң аулағаны үшін «Заңсыз аңшылық» бабымен кінәлі деп танылып, сотталды. Төртеуін де үш жылға бас бостандығын шектеу және бес жыл аң аулауға тыйым салу туралы үкім шықты», — деді облыс ПД табиғат қорғау полициясының аға инспекторы Бағлан Рымжанов.
