Олар Астана, Алматы, Талдықорған, Шымкент, Қонаев, Тараз, Түркістан, Қызылорда, Қостанай, Орал, Ақтөбе, Атырау, Петропавл, Көкшетау, Павлодар, Екібастұз қалаларын, Сарыөзек, Шиелі елді мекендерін аралап, тұрғындармен пікірлесті.
Бүгінгі таңда жалпы ел аумағында, облыстық штабтар мен кандидаттардың өз беттерінше ұйымдастырған іс-шараларын қоса есептегенде, халықпен 5 мыңнан астам кездесу өтті. Оның ішінде әртүрлі санаттағы азаматтар, кәсіпорындардың еңбек ұжымдары, ШОБ өкілдері, мамандандырылған бірлестіктер, спортшылар, ғылыми қоғамдастықтар мен жастар қамтылды.
Еске салайық, партия мүшелерінің орташа жасы – 37. Бұл жас аудиторияны қызықтыратын факторлардың бірі екені анық: барлық іс-шараларға қатысушылардың 70 пайызын жастар құрайды. Бұл ретте партия барлығымен кездесуге ашық.
Respublica партиясының бағдарламасы қазақстандықтардың өмірінің әртүрлі салаларындағы проблемаларды шешуді көздейді. Партия қоғамның орта табының негізін құрайтын ШОБ-ты дамытуға басымдық береді.
