Ол саяси ұйымның сайлауалды бағдарламасын таныстырып, тұрғындардың жолдаған сауалына жауап беруге бағытталған. Шараға өзге өңірлердегі кандидаттар онлайн қатысты. Бұл науқан барлық аймақтағы штабтарда ұйымдастырылған. Жалпы, бүгінге дейін бірлестік белсенділері 400-ден астам іс-шара өткізді.
«Бүгін ашық есік күні жалғыз республикалық штабта емес, аймақтық штабтарда да өтіп жатыр. Халық келіп, өз пікірлерін, проблемаларын айтып, мәселелерін көтеріп, қызығушылық білдіріп жатыр. Аумақтардағы штаб өкілдері бізге ZOOM арқылы шықты», — деді ЖСДП мүшесі Талғат Омаров.
