Жалпыұлттық социал-демократиялық партиясы еңбек ұжымымен кездесіп, сайлауалды бағдарламасын түсіндірді. Мұражай қызметкерлері мәдениет саласындағы және өңірдегі бірқатар мәселе бойынша сұрақ қойып, жауап алды.
Павлодар облыстық штабының өкілдері бүгінге дейін түрлі саладағы еңбек ұжымдарымен, аймақтардағы сайлаушылармен 300-ден астам кездесу ұйымдастырды. Саяси ұйым төрағасы Асхат Рахымжанов өзекті әрі негізгі деген ұсыныс пен сұрақтар назарға алынып, алдағы уақытта ескерілетінін айтты. Айта кету керек, партия атынан Мәжіліске 19 кандидат ұсынылған.
«Аймағымыздың әлі аралайтын аудандары көп. Өзіміздің бағдарламамызбен әлі көптеген ауылдарға барамыз. Жалпы облыс бойынша халық жақсы қабылдап жатыр. Ең бастысы сол сайлаушылардың белсенділігі», — деді ЖСДП мүшесі Қанат Сақай.
