Жоғары сынып оқушыларын ҰБТ-ға дайындайтын білім беру орталығы директорының атынан әрекет еткен 22 жастағы Ж. есімді азамат ата-аналарды алдап соққан.
Келісімшарт талаптарына сәйкес, ата-ана 238 мың теңгені бөліп төлей алады. Бірақ бала тестілеуден өтпей қалса, мұғалім ақшаны қайтаруға уәде берген. Іс жүзінде оқу орталығының негізін қалаушы жоқ болып кеткен. Балалар уәде етілген сабақтарды алмаған. Ал ата-аналары полицияға көмек сұрап жүгінген.
«Аталған дерек ҚР ҚК-нің 190-бабы 3-бөлігі (Алаяқтық) бойынша сотқа дейінгі тергеудің бірыңғай тізіліміне тіркелді. Тергеудің қазіргі сатысында қылмыстық іс бойынша 76 жәбірленуші бар. Күдікті ұсталды және қамауда отыр», – деді, Медеу аудандық полиция басқармасының бастығы Ілияс Өмірсеріков.
