«2022 жылдың 1 қарашасынан қазірге дейін Алматы облысының таулы өзендеріне жауған жауын-шашын мөлшері көпжылдық көрсеткіштен 12-47% жоғары. Ақпан және наурыз айларында күн күрт жылып, қатты жауын-шашын болған жағдайда облыстың таулы өзендері арқылы еріген-жаңбырлы су тасқыны орын алуы мүмкін», — деді Талғат Қасымбек.
Оның айтуынша, таулы аймақтарда қар қалыңдығын өлшеу процесі қаңтар-наурыз айларында жалғасады. Көктемгі кезеңге арналған негізгі гидрологиялық болжам 2023 жылғы наурызда жасалып, тиісті мемлекеттік органдарға жіберіліп отырады.
«Қазіргі таңда облыс аумағындағы көл, өзендерде жағдай тұрақты. Негізгі өзендердің 90%-да мұз қатқан», — деді Қазгидромет маманы.
