«Ұлы ойшыл Әбу Наср әл-Фараби өз сөзінде: «Маған жастарды көрсетіңіздер, келешектеріңізді айтып беремін» деген. Ертеңіміздің еңселі, болашағымыздың баянды болуы – сіздердің қолдарыңызда. Алматы облысының жастары белсенді, табысты, жан-жақты, креативті деп айтуға толық негіз бар. Сондықтан, сіздерді халыққа, қоғамға қызмет етуге, қай салада болсын Отанымыздың абыройын арттыруға үлес қосуға шақырамын. Баршаңызға зор денсаулық, оқуда озат, еңбекте табысты болуды тілеймін!», — деді құттықтау сөзінде облыс әкімі.
Өңір басшысы 10 номинация бойынша жеңімпаз атанған жастарға 250 мың теңге ақшалай сертификат, арнайы дайындалған естелік сыйлықтарды табыс етті.
«Заңғар» жастар сыйлығының иегерлерінің тізімі:
- Жас мемлекеттік қызметші — Сақтаған Жарылқасын Талғатұлы (Қарасай ауданы)
- Үздік жас дәрігер — Ризайдинов Саид Пайзулламович (Ұйғыр ауданы)
- Үздік жас ұстаз — Сүйіндік Салтанат Қырғызбекқызы (Қонаев қаласы )
- Үздік жас спортшы — Құлымбетова Жібек Алимханқызы (Іле ауданы)
- Үздік жас журналист — Меруерт Қыдырбайқызы (Қонаев қаласы)
- Үздік жас кәсіпкер — Өмірбекова Сымбат Мақсатқызы (Жамбыл ауданы)
- Үздік студент — Жанпейіс Қарақат Абайқызы (Талғар ауданы)
- Үздік волонтер — Жанаберген Гүлім Мұратқызы (Қонаев қаласы)
- Үздік жас әдебиетші — Бейсен Айдана Ерланқызы (Іле ауданы)
- Үздік жастар ісі жөніндегі әдіскер-нұсқаушы — Ибраймбай Жақсылық Нүсіпханұлы (Кеген ауданы)
«Журналистика саласында жүргеніме төрт жылдың жүзі болды. Аз уақыт ішінде жасаған еңбегімнің еленіп жатқанына қуаныштымын. Әрине, бұл марапат менің алдағы жұмысыма деген жауапкершілікті арттырады. Енді мен «Заңғар» деген атқа лайық қызмет етуім керек», — деді тілшілерге сұхбат берген үздік жас журналист, «Жетісу» телеарнасының тілшісі Меруерт Қыдырбайқызы.
Посмотреть эту публикацию в Instagram
