Есепті Аргентина құрамасы бірінші таймның 23-минутында ашты. Голды Лионель Месси соқты. Франция қақпасына екінші голды 36-минутта Анхель ди Мария салды.
Екінші таймдағы алғашқы голды Франция құрамасының шабуылдаушысы Клиан Мбаппе салды. Осылайша, ол 80-минутта өз командасына алғашқы голды сыйлады. Мбаппе бір минуттан соң, 81-минутта екінші гол салып, Аргентинамен есепті теңестірді: 2:2.
Экстра-таймда Лионель Месси (108) мен Килиан Мбаппе (118) есепті 3:3-ке жеткізді. Матчтың тағдыры пенальти арқылы шешілді, Аргентина командасы пенальтиде 4-2 есебімен алға шықты.
Осылайша, Аргентина 36 жылдан соң футболдан әлем чемпионатында жеңіске жетті. Бұл ел мундиаль тарихында үш рет (1978 және 1986 жылдары) чемпион болып отыр.
Франция құрамасы әлем чемпионатының күміс, ал Хорватия командасы қола жүлдегері атанды.
