«Генератордың бұл жаңа түрі кез келген дауылға төтеп береді және желдің төмен жылдамдықтарында да электр энергиясын өндіре алады»,- дейді Tree Energy компаниясының басшылығы.
Аталған генераторлар ТМД елдерінде кездеспейді. Қазіргі таңда Қырғызстанға, Өзбекстанға, Ресейге, Индонезияға, БАӘ-ге өнімді экспорттау туралы келіссөздер жүргізіліп жатыр. Жоба қазақстандық Ғылым қорының гранттық қолдауымен жүзеге асырылады.
«Біз Қазақстанның климаттық жағдайларына бейімделген отандық генераторды әзірледік. Жел, күн энергиясын және өзендердің су ресурстарын пайдаланып, оны электр энергиясына айналдырамыз. Электр энергиясын тиімді өндіруді қамтамасыз ететін ең заманауи және сенімді техникалық шешімдерді қолданамыз», — деді жоба жетекшісі Жанболат Мұзбаев.
Жел турбиналарының тік орнатылған түрі сағатына 10 кВт дейін электр энергиясын өндіруге мүмкіндік береді. Мұндай генераторлар ток беру желісінен алыс объектілерді де қамтамасыз етуге күші жеткілікті. Жел қондырғыларының көлемі кішкентай болғандықтан тар жерге орнатуға өте қолайлы. Олар +40 градустан — 50 градусқа дейінгі температурада мүлтіксіз жұмыс жасайтын сапалы материалдардан жасалған. Бұл генераторларды 25 жылдан астам уақыт пайдалануға болады.
Генераторды жасап шығарушылар күн-жел қоспа генераторды дайындап, Алматы облысының аумағындағы республикалық маңызы бар күре жолдарда өз станcаларын орнатады. Бұл қондырғыларды елімізде жол бойында қоныс тепкен фермерлер де сатып алып жатыр және Қазақстан Республикасының Қорғаныс министрлігімен, шекара қызметімен келіссөздер жүргізіледі.
