Мұнда «Нұрлы жер» бағдарламасы бойынша салынған көппәтерлі жалдамалы үй пайдалануға берілді, деп хабарлады облыс әкімінің баспасөз қызметі.
Кезекте тұрып мемлекеттік қордан тұрғын үй алғандар арасында халықтың әлеуметтік осал санаттарының өкілдері, бюджеттік ұйымдардың қызметкерлері бар.
Үйдің құрылысы 2020 жылдың сәуірінде басталды. Барлығы бес қабатты ғимаратта 30 — бір бөлмелі, 15 — екі және үш бөлмелі пәтерлер бар.
Тағы екі көппәтерлі үйдің құрылысы аяқталады деп жоспарланып отыр. Биылғы жылдың 11 айында Жетісу облысында 212 мың шаршы метр тұрғын үй пайдалануға берілді немесе өткен жылдың деңгейіне 100,5%.
Биыл бағдарламаның барлық бағыттары бойынша 1442 отбасы баспана алады, оның ішінде 389 көпбалалы және 481 әлеуметтік осал отбасы.
