Тест Қонаев қаласының орта мектеп-гимназиясының базасында өтеді. Тестілеуге жалпы 179 оқушы қатысады, оның 72-сі жаратылыстану-математикалық бағыт бойынша, 107 оқушы – қоғамдық-гуманитарлық бағыт бойынша қатысып жатыр.
Тестілеуді өткізуге қойылатын талаптарға сай әр пән бойынша әрбір қатысушы «Oqylyq» платформасына қосылу үшін веб-камерасы бар дербес компьютер берілді.
Қатысушыларға жеке логин/пароль және парақтардың бланкілері (Тізіліммен) беріледі. Логин/пароль белгіленген уақытта онлайн платформада тапсырмаларды алу үшін қолданылады.
Әр қатысушыға арналған тапсырмалар жеке белгіленеді. Тестілеуді өткізудің ашықтығын бақылау үшін онлайн режимде бейнебақылау жүйесі бар.
Олимпиаданы өткізу процесін «Adaldyq alańy» жобалық кеңсесінің қызметкерлері бақылап отыр.
Алматы облысының білім басқармасы олимпиаданың негізгі мақсаттары мен міндеттері оқушылардың зияткерлік әлеуетін қалыптастыруға жәрдемдесу, ғылыми-зерттеу және оқу-танымдығын ынталандыру, неғұрлым талантты және дарынды зерттеушілерді іріктеу және қолдау болып екенін айтады.
