«Қазақстан Республикасының Тұңғыш Президенті – Елбасының мәдениет саласындағы мемлекеттік стипендиясын тағайындау туралы» Президент Жарлығына өзгерістер енгізу жоспарланып жатыр. Түзетулердің тиісті жобасы «Ашық НҚА» порталында жарияланды.
Құжатқа сәйкес, енді Тұңғыш Президенттің стипендиялары «Мәдениет саласындағы мемлекеттік стипендиялар» деп аталады. Сонымен қатар, шәкіртақы көлемі 20 АЕК-тен 55 АЕК-ке дейін өседі.
Құжатқа түсіндірме жазбада Жарлыққа түзетулер жобасы Мемлекет басшысының 2021 жылғы 24 желтоқсандағы тапсырмасын орындау үшін әзірленгені атап өтілген.
«Жоғарыда көрсетілген тапсырма негізінде «Қазақстан Республикасының Тұңғыш Президенті – Елбасының мәдениет саласындағы мемлекеттік стипендиясы» атауы «Мәдениет саласындағы мемлекеттік стипендияға» ауыстырылады», – делінген жазбада.
Қоғамдық талқылау 2022 жылдың 15 шілдесіне дейін жалғасады.
