Ашылу салтанатына облыс әкімінің орынбасары Арслан Дандыбаев қатысты.
Ал айдынның қызыл лентасын әкім орынбасарымен қоса қалалық ардагерлер кеңесінің төрағасы Амангелді Беспаев қиды.
«Бүгін балалар ойын алаңы ашылды десек те болады. Себебі елімізде әсіресе, балалар денсаулығына, бұқаралық спорт түрлеріне көп көңіл бөлініп жатыр. Алдағы уақытта да ойын-сауық орталықтарын көптеп ашуды жоспарлап отырмыз», — деді құттықтау сөзінде Арслан Дандыбаев.
Мұз айдыны жазда демалушылар ең көп келетін жер — қалалық жағажайда орналасқан. Егер конькиді өзіңізбен ала келсеңіз, сырғанау тегін. Ал жалға алу 2 сағатқа 1000 тг. Коньки тебу алаңы жұмыс күндері түнгі 22.00-ге дейін, сенбі-жексенбі 23.00-ге дейін халыққа қызмет етеді.
