«Көпқабатты 71 проблемалы үйдің жертөлелеріндегі жылыту тораптарына жылу берілді. Жедел штабтың жетекшісі — Премьер-Министрдің бірінші орынбасары Роман Скляр қазіргі таңда осы үйлердің жылыту тораптарында жөндеу жұмыстары аяқталғанын хабарлады. Қазір пәтерлер ішіндегі құбырлар мен регистрлерді қосу жүріп жатыр. Сонымен қатар мамандар су және кәріз жүйелерін қалпына келтіріп жатыр», — делінген Үкіметтің Telegram-каналында жарияланған ақпаратта.
Кеше кешке өткен баспасөз мәслихатында Екібастұзда 70-ке жуық жер үй жылусыз отырғаны мәлім болды.
Павлодар облысы әкімінің міндетін атқарушы Олег Крук жылусыз қалған әр пәтердің жылу батареясы жаңаланатынын айтты.
