Ауру 30 қарашада Тоттори қаласындағы құс фермасының қызметкерлері 40-қа жуық өлі құсты тапқан кезде анықталды, деп хабарлайды Alataunews.kz «Прайм»агенттігіне сілтеме жасай отырып.
Генетикалық талдау құс тұмауының жоғары патогенді штаммының болуын растады. Инфекция ошақтарының үш шақырымдық аймағы радиусында тауықтар мен жұмыртқаларды тасымалдауға карантин енгізілді, сондай-ақ тауықтар мен жұмыртқаларды 10 шақырымдық аймақтан тыс жерлерге әкетуге тыйым салынды.
Күз басталғаннан құс тұмауының өршуі Окаяма, Кагава, Мияги, Аомори, Кагосима, Вакаяма префектураларында және Хоккайдо губернаторлығында болды. Жапонияда ауру жайлағалы бері барлығы 2,9 миллионға жуық құс жойылды.
Бұған дейін 2023 жылдан бастап ЕАЭО елдерінде құс етінің қауіпсіздігі бойынша жаңа ережелер қолданылатыны хабарланған болатын.
