«Көлік жүргізушілері республикалық маңызы бар жолдармен жүргенде біздің қосымшаны қолдануына болады. Жол бойындағы қызмет көрсету нысандарының функциялары бар. Сонымен қатар автожүргізушілер жол-жөнекей оқыс оқиғаға тап болған жағдайда «Sapar» мобильді қосымшасы арқылы бізге хабарлайды. Яғни болған жайттың мән-жайын жазып, сурет немесе видеоға түсіріп бізге жібереді. Қосымшаның көмегімен қажетті бағытты таңдаған соң, ол жолдың ұзындығы, жол бойындағы ақылы учаскелер, жанар-жағармай құю бекеттері, дәмхана және қонақүйлер туралы ақпарат қолжетімді болады. Одан бөлек, қосымшада ауа райына қатысты мәліметтер мен ескертулер ұсынылады», — деді «ҚазАвтоЖол» ұлттық компаниясының сарапшысы Александр Озарчук елордада өтіп жатқан «Kaztraffic-2022» халықаралық көрмесінің ашылуында.
Оның айтуынша, «Sapar» мобильді қосымшасы әзірге Android қолданушылары үшін ғана қолжетімді. AppStore-да қолданушылары үшін Apple компаниясымен келісім жасалып жатыр.
Мобильді қосымшаны пайдаланар алдында тіркеуден өту қажет. Яғни қолданушының аты-жөні, ұялы телефоны, поштасы, сол секілді ақылы жолда автоматты түрде төлем жасау үшін көлік туралы мәліметтерді көрсету керек.
«Республикалық маңызы бар автожолдардағы қауіпсіздікті арттыру және «Sapar» мобильдік қосымшасы арқылы кері байланысты жақсарту мақсатында «1403» (сонымен қатар онлайн-чат) және «11»2 қысқа нөмірі бойынша «Қазавтожол»-дың call-орталығына хабарласу мүмкіндігі қарастырылған», — дейді А. Озарчук.
