2022 жылғы 24-25 қараша аралығында Алматы облысының бірқатар аудандарында «Қысқы кезең жағдайында төтенше жағдайлардың алдын алу және оларды жою жөніндегі іс-қимылдарға азаматтық қорғаудың мемлекеттік жүйесінің басқару органдары мен күштерін дайындау» тақырыбында «Қыс-2022» Республикалық командалық-штабтық оқу-жаттығулары өткізіледі.
Қазақстан ТЖМ баспасөз қызметінің мәліметінше, «Қыс-2022» оқу-жаттығуы аясында еліміздің барлық өңірлерінде ТЖ жою жөніндегі іс-қимылдарды, авариялық-құтқару қызметтерімен және азаматтық қорғау құралымдарымен практикалық іс-қимылдарды пысықтау үшін командалық-штабтық жаттығулар жоспарланған.
Аудан әкімдіктерінің өкілдері жаттығуларға байланысты азаматтардан тыныштық сақтауды, оқу-жаттығу кезінде қорықпауды және ешқандай әрекет жасамауды сұрайды.
