«Көліктер жарайды көшені айналып өтуі мүмкін. Ал жаяу жүргіншілер қайтпек? Бұл тротуарлар биыл ғана қайта жөнделген. Нәтижесі көңіл көншітпейді. Неге жауаптылар бірден жақсылап жасап кетпейді екен, түсінбеймін. Қалада жаңбыр жауғанда резеңке етікпен жүруіміз керек болып жатыр», — деді Надежда есімді тұрғын. (аты өзгертілген)
Сонымен қатар біздің инстаграм парақшамызға 4 және 7 саяжай массивінің тұрғындары автожолдардың нашарлығын, батпаққа батып, ары-бері қатынау қиынға соққан айтып шағымдарын жазу үстінде.
Ал шаһардың тұрғын-үй коммуналдық шаруашылығы (ТҮКШ) бөлімінің мамандары су алған жерлерді аралап, ауыр техникалармен суды сорып жатыр.
«Бұған дейін БАҚ өкілдерімен жарықтандыру мәселесі бойынша брифинг өткіземіз деп келісіп едік. Қаладағы төтенше жағдайға байланысты баспасөз отырысы кейінге қалдырылып, қала әкімі Нұрлан Құматаевтың тапсырмасымен шаһарды аралап, сумен арпалысып жатырмыз», — деді ТҮКШ бөлімінің басшысы Дархан Қарағонысов.
Осыдан 12 күн бұрын Юбилейка шағын ауданындағы сауда үйінің алдын су алып жатқаны жөнінде жазғанбыз. Қалалық ТҮКШ бөлімі басшысының орынбасары мәселе жақын арада шешілетінін айтып, уәде берген. Алайда кәсіпкерлердің айтуынша, әлі ештеңе өзгерген жоқ. Ал бүгін техникалармен келіп, суды сорып кеткен.
Посмотреть эту публикацию в Instagram
