«Ауа температурасы төмендегенде, жазғы дөңгелектермен жүру өте қауіпті, көлік тайғанайды, сырғанап, тоқтай алмай қалады. Қозғалтқыштан шығарып қою да қауіпті, өйткені мұндайда жол-көлік оқиғасы қаупі арта түседі. Қарашада алғашқы жауын-шашын болып, қар түсіп, жол-көлік оқиғаларының саны артты. Негізінен мұндай жағдайға көліктерінің дөңгелектерін қысқыға ауыстырмағандар тап болады», — деді полиция полковнигі.
Тәртіп сақшысы күнтізбелік қысты күтудің қажеті жоқ екенін және көлік резеңкесін қазірден бастап ауыстыру керегін атап өтті. Бұл қағидат заңда да бекітілген. Жүру ережесінің «Жол қозғалысы қауіпсіздігіне және қоршаған ортаға қауіп төндіретін көлік құралдарын пайдалануға тыйым салынған ақаулар мен жағдайлардың тізбесі» 5-бөлігінің 590-бабына сәйкес 5 АЕК мөлшерінде айыппұл салу қарастырылған. Ережені елемеген жүргізушілер айыппұл төлейді.
ӨКҚ брифингінде Болатбек Баятанов 2022 жылдың басынан бері Алматы қаласында 3073 ЖКО тіркелгенін, оның салдарынан 81 адам қаза тауып, тағы 3496 адам түрлі дене жарақаттарын алғанын айтты. Өткен жылдың сәйкес кезеңімен салыстырғанда жол-көлік оқиғалары 21,5%-ға, қаза тапқандар 20%-ға, жарақат алғандар 18%-ға өскен.
