«Өздеріңіз білетіндей, біз үшін өзекті мәселе – үш ауысымды оқытуды жою. Облыс бойынша осындай 52 мектептің біреуі — осы ауданда. Шонжы ауылында 900 орындық мектептің құрылысы жүріп жатыр (2023 жылға ауыспалы). Бұған республикалық бюджеттен бір млрд. теңге бөлінді (жалпы құны — 2,5 млрд. теңге)», — деді өңір басшысы.
Десе де, ол бірқатар түйіткілдердің бар екенін сөз етті.
«Долайты (2004 жылы салынған) және Үлкен Дихан ауылдарындағы (2003 жылы салынған) орта мектептерде асхана, акт залы және спорт залы жоқ, қосымша құрылыс салу қажет», — деді Марат Сұлтанғазиев.
Сонымен қатар облыс әкімі Ақтам ауылындағы 640 орындық орта мектептің бірде-бір рет жөндеу көрмегенін, ал Дардамты ауылында ішінара күрделі жөндеу 13 жыл бұрын жүргізілгенін айтып, толық күрделі жөндеу қажеттілігі жайлы сөз қозғады.
