Видеодан көліктегілер жануарды әбден қинағанын байқауға болады. Тіпті жүре алмай қалған итті асфальт үстімен сүйреген. Видео авторының мәлімдеуінше, бұл жағдай Алматы облысы, Талғар ауданындағы Еркін ауылында болған.
Полицейлер аталған құқық бұзушылық Талғар аудандық полиция бөлімінде тіркелгенін мәлімдеді.
«Құқық бұзушылық Талғар ауданы полиция бөліміне тіркелді. Тексеру аталған бөлімшенің қызметкерлеріне тапсырылды. Құқық бұзушыны міндетті түрде анықтап, шара қолданамыз», – деді Алматы облысы Полиция департаменті бастығының тергеу жөніндегі орынбасары Рустам Әбдірахманов.
