Жетісу облысының кәсіпорындары мен шағын және орта бизнес объектілері республикалық жобалардың қатарына кіру үшін елеулі әлеуетке ие, сол арқылы жергілікті қамту үлесін ұлғайтады және өңірдің әлеуметтік проблемаларын шешуге қатысады. Бұл мәселеге облыс әкімі Бейбіт Исабаев Талдықорған мен Көксу ауданының өнеркәсіптік кәсіпорындарын аралау барысында ерекше назар аударды, деп хабарлады облыс әкімінің баспасөз қызметі.
ЖШС «Темірбетон»
Облыс әкімі Бейбіт Исабаев зауыт басшылығына Балқаш ауданында жалпы ұзындығы 530 км, оның 351 км облыс аумағы арқылы өтетін Мойынты-Достық темір жол тармағын салу жөніндегі республикалық жобаны іске асыруға өз үлесін қосуды ұсынды. Жоба 3 жылға есептелген және осы жылы басталады. Байланыс желісінің темірбетон тіректерін жасау және орнату қажет болады.
Екінші маңызды – жоба Бескөл-Ақши, Ақши-Көктұма-Ақтоғай электр желілерін тарту. Үшіншісі – науа жүйелерін жасау, бұл ірі ауылшаруашылығы өңірінде суармалы судың жетіспеушілігі проблемасын шешу үшін ирригациялық желілерді қалпына келтіру жөніндегі жұмыс та ерекше өзекті. Сондай-ақ, Алакөлдің жағалауын нығайтуға қатысу мүмкіндігі бар.
Темір бетон бұйымдары мен электржелілік құрылысқа арналған конструкциялар өндірісіне маманданған «Темірбетон» ЖШС өндірістік қуаты 65 мың текше метр кәсіпорында 400-ден астам адам еңбек етеді. Компания бұған дейін елордадағы «Нұр жолы» теміржол вокзалының және Алматы-Шу теміржолының құрылысына қатысқан болатын. Кәсіпорын нарықта 20 жылдан бері жұмыс жасап келеді және жобалаудан бастап дайындау мен орнатуға дейінгі барлық жұмыс спектрін орындайды. Өткен жылы кәсіпорын 2,4 млрд теңге салық аударымдарын төлеген.
«Айсұлу» тігін фабрикасы
«Айсұлу» тігін фабрикасында белсенді өсу үшін барлық мүмкіндіктер бар»,-делінген баспасөз қызметінің хабарламасында. Зауыт жақында ашылғанына қарамастан, 200-ге жуық өнім түрлерін шығаруға мүмкіндік бар, 250-ден астам компаниямен ынтымақтастық орнатылды. Фабрика негізінен арнайы киімдерді, медициналық халаттарды, төсек-орындарды тігумен айналысады. Өндірісте шамамен 100 адам жұмыс істейді, орташа жалақы – 100-200 мың теңге. Қызметкерлер тегін түскі аспен және тасымалдау қызметімен қамтамасыз етіледі. Бейбіт Исабаев атап өткендей, тігін фабрикасы өз өнімдерімен өңірдің медициналық мекемелерін төмен бағамен қамтамасыз етіп, тапсырыс көлемі есебінен пайда таба алар еді.
«Мемлекеттік тапсырыстың арқасында 2-3 жыл ішінде шағын кәсіпорын жергілікті нарықтағы өз позициясын нығайтып, тұрақты клиенттерді таба алды, демек, кейіннен өндірісті кеңейтіп, тұрақты жұмыс орындарының санын және қызметкерлердің жалақысын арттыра алады. Бұл халық үшін үлкен пайда. Сондай-ақ бюджетке салық аударымдары мен бизнестің әлеуметтік жауапкершілігі бар. Өйткені, біздің басты міндеттеріміздің бірі мемлекет пен бизнес арасында халықтың әл — ауқатының сапасы мен деңгейін жақсартуға мүмкіндік беретін жұмыс тетігін жолға қою болып табылады», — деді Бейбіт Исабаев.
«Қайнар-АКБ» кәсіпорны
Әкім сондай — ақ Талдықорғанның аса маңызды қала құраушы кәсіпорны — «Қайнар-АКБ» аккумулятор батареяларын өндіретін зауытты аралады. Компания өнімдері Ресей, Қытай, Әзірбайжан, Тәжікстан, Ауғанстан, Өзбекстан, Грузия, Түркменстан, Қырғызстан, БАӘ, Польша, Италия елдеріне экспортталады. Өндірістік қуаты — жылына 3,6 млн аккумулятор батареясы, тәулігіне – 10-11 мың жұмыс орны-1200. Сондай-ақ, ескі немесе жарамсыз батареяларды қайта өңдеу цехы бар. Өңір басшысы бүгінгі таңда зауытта ірі тапсырыстарды жүзеге асыру үшін барлық мүмкіндіктер бар екенін атап өтті.
