«Біз жұмысты көтерме сауда академиясынан бастадық. Мысалы, кәсіпкер өз сайтын құруға және ондағы деректерді сақтауға 1 млн теңге инвестиция құя алмайды. Мемлекет кәсіпкерге шағын және орта бизнеске осындай мүмкіндіктерді тегін ұсынып, негізгі дағдыларды, жобалаушыларды берсе. Қандай мамандық иесі болсаңыз да, сіз өз қызметтеріңіз бен тауарларыңызды сата білуіңіз керек. Бұл негізі мектеп қабырғасынан білуге тиіс дағдылар. Енді осыларды үйрену керек», — деді вице-министр Нұр-Сұлтандағы электрондық коммерция форумында сөйлеген сөзінде.
Әсел Жанасова ведомство электрондық коммерция үшін жағдай жасау мақсатын қойып отырғанын атап өтті. Процестің барлық қатысушылары кедергісіз онлайн сауда жасап, төлемдерді жүзеге асырып және тауарларды жеткізуді білуі маңызды деді ол.
«Біз В2С саласында – ритейл саудасында үлкен өсімді көріп отырмыз. Бірақ, өкінішке орай, нарықта В2В сауда проблемасы немесе көтерме сауда әлі де бар – ол В2С сауданың өсу қарқынына жете алмайды. Бізде Kaspi, Flip, Wildberries, Ozon сияқты ірі платформалар бар екені түсінікті, олар келіп, ритейлдің үлкен өсуінің драйверлеріне айналды, бірақ бізде көтерме сауда бөлігінде осындай өсім бере алатын қатысушылар жетіспейді», — деп түсіндірді Әсел Жанасова.
Бұдан бұрын хабарланғандай, Қазақстанда бөлшек сауданың жалпы көлемінен онлайн-сауда үлесінің өскені байқалады. Егер 2019 жылы электрондық сауданың үлесі 3,7% құраса, 2021 жылдың қорытындысы бойынша 9,6% жетті.
