«Отандық өндірушілердің жұмысын бір қалыпқа келтірген соң импортты жауып тастаймыз. Өз өндірушілерімізді барынша қолдауымыз керек. Бұл орайда Үкімет осыған қатысты жол картасын дайындады. Соның бірі — қант мәселесі. Бірақ бұл 3-4 жылда жүзеге асады», — деді Серік Жұманғарин.
Қазақстанда өсетін өнім көп, бірақ пайдаланылмай жатыр. Сондай-ақ сүт өндірушілерге де қолдау көрсетіледі. Өйткені аталған өнім ахуалы жазда жақсарғанымен қыста күрт төмендеп кетеді. Сол себепті олар құрғақ сүт әкелуге мәжбүр. Ол процестің өзі қыруар қаражат тұрады. Сүт өндірушілер жұмыстарын айналымға келтіру үшін Үкіметтен 1 млрд 130 млн теңге сұрап отыр.
«Біз бұл қаражатты береміз. Өйткені шикізат керек. Баға не үшін қымбаттайды, шикізат болмағандықтан көтеріледі. Әрине, бағаға тек шикізат әсер етпейді. Мысалға тасымалдау құны өседі, коммуналдық қызметтер көтеріледі т.т.с. Бірақ бұлар қымбатшылыққа әсер ететін шикізат бағасымен салыстыруға келмейді», — деді Премьер-Министрдің орынбасары.
Жиында Үкімет отандық өндірушілерді қаржыландыратынын, алайда олар бағаны қымбаттатпай бір қалыпқа ұстауға міндетті екені айтылды.
