Облыс әкімі Қанат Бозымбаев қаладағы №27 мектеп-гимназиясының оқушыларын оқу жылының аяқталуымен құттықтап, түлектерге жылы лебізін білдірді.
«Бұл күн сіздердің жадыларыңызда мәңгі сақталады. Үлкен өмірге сеніммен аяқ басыңыздар дегім келеді. Талантты, дарынды балалар болашақта өмірден өз орнын табады. Адамның қабілеті шексіз, өзіңді дамытсаң, адамдардың арманына да кірмейтін небір шыңдарды бағындыруға болады. Сондықтан, тек алға! Жылдар бойы жинаған білімдеріңізді енді өз мақсаттарыңызға пайдаланатын сәт келді!», – деді Қанат Бозымбаев.
Айта кету керек, 2020-2021 оқу жылының қорытындысы бойынша 1432 «Алтын белгі», 1500 үздік аттестат шықты.
