Оқиға Қонаев қаласының «Спутник» шағынауданында болған. Ашық аумақта өскен қамыс тұтанып, өрт шыққан. Өрт туралы хабар түскеннен кейін оқиға орнына Алматы облысы Төтенше жағдайлар департаментінің бөлімшелері жетіп, өртті сөндіру жұмыстарына кіріскен. Құтқарушылардың жедел әрекетінің нәтижесінде 500 шаршы метр аумақты шарпыған өрт толықтай сөндірілді.
Мамандар ашық аумақтардағы құрғақ өсімдіктердің жануы өрттің таралу қаупін арттыратынын ескертеді. Әсіресе желді ауа райында оттың айналаға таралу қаупі жоғары.
Осыған байланысты Алматы облысының Төтенше жағдайлар департаменті тұрғындарды өрт қауіпсіздігі талаптарын сақтауға, ашық жерлерде от жағу кезінде сақ болуға және құрғақ шөп пен қамысты өртеуге жол бермеуге шақырады.
Төтенше жағдай туындаған жағдайда 112 нөміріне хабарласу қажет.
