Оның айтуынша, жаңа оқу жылында бағыт-бағдар негізінен төмендегідей міндеттерге негізделетін болады:
- білім беру мекемелері басшыларының біліктілігі мен оқушылардың білім сапасын көтеру жұмыстарын жүйелі жүргізу;
- жастардың техникалық және кәсіптік оқумен қамтылу көрсеткішін арттырып, нарыққа қажетті жұмысшы мамандықтарды дайындау;
- мектепке дейінгі ұйымдар желісін ұлғайту мақсатында мемлекеттік-жекеменшік серіктестік механизмін жандандырып, инвестиция тарту.
Сонымен қатар конференция барысында өңірдің бірқатар педагогы облыс әкімінің Құрмет грамотасымен, Алғыс хатымен, «ҚР білім беру ісінің құрметті қызметкері» төсбелгісімен, «Еңбек ардагері» медалімен марапатталды.
Айта кетсек, облыстағы 340 мектепте 15 691 мұғалім, 405 балабақшада 3328 педагог жұмыс істейді.
