Облыс әкімі Бейбіт Исабаевтың мәліметінше, қаражат білім нысандарының құрылыс жұмыстарына, материалдық-техникалық базасын нығайтуға, инновациялар мен заманауи қауіпсіздік жүйелерін енгізуге және басқа да маңызды іс-шараларға бағытталып жатыр.
Бұдан бөлек, жиында Бейбіт Исабаев кәсіптік білім беретін мамандықтар үшін облыстық бюджеттен 192,1 млн тг бөлінгені жайлы айтты.
«Аймақтағы кәсіптік білім беретін мекемелерде 50 мамандық, 93 біліктілік бойынша мамандар даярланады», — деді облыс әкімі өз сөзінде.
Сондай-ақ аймақ басшысының айтуынша, облыста іргелі өнеркәсіптер ашу үшін ірі жобалар жасалып жатыр. Жетісу облысындағы колледждер ертеңгі күні соларға қандай мамандар қажет болады, сол бағытта нарықтың сұранысына бейімделе білуі тиіс.
«Еңбек нарығындағы ұсыныс пен сұраныс бір-бірімен тепе-тең болғанда, жастарды оқыту мен жұмыспен қамту, кадр тапшылығы сияқты мәселелер бірте-бірте шешілетін болады», — деді Бейбіт Исабаев.
