Алматы облысында «Таза Қазақстан» жалпыұлттық экологиялық бағдарламасы аясында 10-11 сәуір күндері «Таза қала» экологиялық акциясы ұйымдастырылады. Бағдарламаға сәйкес 2026 жылдың 11 сәуірінде сағат 09:00-де Қонаев қаласында жаңа «Барс» эко-паркінің алғашқы ағаштарын отырғызылады.
Іс-шараға Алматы облысының әкімі Марат Сұлтанғазиев, облыстық мәслихат депутаттары, өңірдің құрметті азаматтары, қоғамдық кеңес мүшелері, жастар және басқарма басшылары қатысады деп жоспарлануда.
Салтанатты рәсім аясында экологиялық акция ұйымдастырылып, 200 түп ағаш отырғызу көзделген. Атап айтқанда, терек, акация, тал, қарағаш, катальпа және сумах ағаштары егілмек.
Жоба аясында эко-парк аумағын абаттандыру және көгалдандыру жұмыстары кезең-кезеңімен жалғасады. Жалпы 5 мың ағаш отырғызу жоспарланған. Нысанды ағымдағы жылдың 1 желтоқсанына дейін толық пайдалануға беру көзделіп отыр.
Жоба жүзеге асқаннан кейін жаңа эко-парк қала тұрғындары мен қонақтары үшін заманауи демалыс орнына айналады деп күтілуде.
