«ҚТЖ» ҰК» АҚ экологиялық міндеттемелер аясында өңірде 100 мыңнан астам ағаш отырғызу жұмыстарын жүргізіп жатыр. Жоба Алматы станциясын айналып өтетін жаңа теміржол желісінің құрылысы аясында іске асырылуда және «Таза Қазақстан» экологиялық акциясының бір бөлігі болып отыр.
Көшет отырғызу жұмыстары 15 наурызда басталған. Қазіргі уақытта Іле ауданы Ақши ауылы маңында 16 мың, ал Талғар ауданы Нұра ауылы аумағында 8 мыңнан астам ағаш отырғызылған.
Компания өкілдерінің мәліметінше, бұл бастама өңір экожүйесін қалпына келтіруге, ауа сапасын жақсартуға және экологиялық мәдениетті дамытуға бағытталған.
Жоба жоспарға сәйкес жалғасып жатыр.
