Ақпаратқа сәйкес, келісімге Пәкістан Премьер-министрі Шахбаз Шариф пен Пәкістан Қарулы күштерінің бас қолбасшысы, фельдмаршал Асим Мунирдің араағайындығы арқылы қол жеткізілген.
«Президент Қасым-Жомарт Тоқаев Пәкістан Премьер-министрі Шахбаз Шариф пен Пәкістан Қарулы күштерінің бас қолбасшысы, фельдмаршал Асим Мунирдің араағайындығы арқылы Таяу Шығыстағы соғысты толық тоқтату және бітімге келу туралы келісімге қол жеткізілуін құптайды», – делінген хабарламада.
Сондай-ақ бұл келісімге АҚШ Президенті Дональд Трамптың және Иранның жоғарғы басшылығының, сондай-ақ әскери қақтығысқа қатысқан елдердің ізгі ниеті мен парасаттылығы ықпал еткені атап өтілді.
Мемлекет басшысы аталған бітімгершілік келісімнің ұзақ мерзімді сипатқа ие болатынына үміт білдірді. Оның айтуынша, бұл әлемдік сауданың дамуына және барлық елдердің экономикалық өркендеуіне оң әсер етеді.
