Айта кетейік, бұл басқарма 2026 жылғы 11 наурызда Мемлекет басшысының балаларды қорғау жүйесін күшейту жөніндегі тапсырмасына сәйкес құрылған.
Дәулет Шайтұрсын 1988 жылы туған, жоғары білімді. Ол Қорқыт Ата атындағы Қызылорда мемлекеттік университетін «Қазақ тілі мен әдебиеті» мамандығы бойынша, сондай-ақ Тұран университетін «Менеджмент» мамандығы бойынша тәмамдаған.
Еңбек жолын 2008 жылы «ҚызылордаОтын» ЖШС директорының көмекшісі ретінде бастаған. Әр жылдары «АБК-Құрылыс» ЖШС-де басшылық қызметтер атқарып, Қызылорда облыстық филармониясында, облыс әкімі аппаратында, «Байқоңыр» әлеуметтік-кәсіпкерлік корпорациясында, сондай-ақ жоғары оқу орнында түрлі лауазымдарда еңбек еткен.
Сонымен қатар Алматы қаласы әкімі аппаратында бас маман, бас инспектор, Жетісу ауданы әкімі аппаратының басшысы, аудан әкімінің орынбасары қызметтерін атқарған.
Өткен жылдың наурызына дейін Алматы облысының тілдерді дамыту жөніндегі басқармасын басқарған, кейін облыс әкімі аппараты басшысының орынбасары және Қазақстан Республикасы Үкіметі аппаратының өңірлік инспекторы қызметтерінде жұмыс істеген.
