Базарбай Оралбаев – Қонаевтағы Ардагерлер кеңесінің төрағасы. Ол қаланың коммуналдық саласында ұзақ жылдар бойы еңбек еткен. 2022 жылы құрметті зейнетке шығып, 2024 жылдан бастап кеңес төрағасы қызметіне кіріскен.
Қария ел болашағының жарқын, тәуелсіздіктің мәңгілік болуын тілеп, сайлау учаскесіне жиналған жұртшылыққа батасын берді.
«Ырыс қонған жеріңе бата,
Меймандос еліңе бата,
Аққан суыңа бата,
Асқар тауыңа бата,
Қолдасын Қызыр ата!
Жерлеріңде жұт болмасын,
Төрлеріңе құт орнасын.
Ел-жұрттарың жамандық көрмесін,
Ұрпақтарыңның десі өрлесін!» − деді ол.
Сондай-ақ ол алғаш боп дауыс беріп, сайлау учаскесінің төрағасы ақсақалға сый-сияпат табыстады.
Осылайша, сайлаушылар дауыс бере бастады.
