Салтанатты ашылу рәсіміне Денсаулық сақтау вице-министрі Тимур Мұратов, сондай-ақ өңірдегі медициналық ұйымдардың басшылары мен денсаулық сақтау саласының өкілдері, оның ішінде департамент басшысы А.Н. Жаманбалина қатысты.
Жаңартылған орталық аналар мен жаңа туған нәрестелерге көрсетілетін медициналық көмектің сапасын арттыруға бағытталған. Сонымен қатар мекемеде перинаталдық көмек көрсету жағдайлары жақсартылып, заманауи медициналық технологиялар енгізілген.
Мамандардың айтуынша, орталықтың жаңартылуы жүкті әйелдер мен нәрестелерге көрсетілетін қызметтің қолжетімділігін арттырып, медициналық көмектің сапасын жаңа деңгейге көтеруге мүмкіндік береді.
Жоба өңірдегі денсаулық сақтау инфрақұрылымын дамытуға және ана мен бала денсаулығын қорғауға бағытталған маңызды қадамдардың бірі ретінде бағаланып отыр.
