Мен үшін алда өтетін республикалық референдумның маңызы аса зор. Олай болмағанда ше? Өйткені, мен алғаш рет мемлекеттік саясатқа қатысты өз ұстанымымды білдіре аламын.
Мен ел дамуына негіз болатын және егемендік пен азаматтардың құқықтарын қорғау кепілдіктерін күшейтетін жаңа Конституцияның жобасымен мұқият таныстым. Жалпы, менің ойымша, ұсынылған барлық өзгеріс біздің тәуелсіздігімізді нығайтуға және қорғауға бағытталған.
Студент ретінде мені, әрине, білім, ғылым және инновация мәселелері толғандырады, ал елдің ұсынылған Негізгі Заңында олар біздің басты стратегиялық бағытымыз және мемлекеттің негізгі құндылығы ретінде айқындалған. Жастардың сапалы білім алуына, кәсіби қалыптасуына және азаматтық бастамаларына қолдау конституциялық тұрғыдан бекітіледі. Сонымен қатар, цифрлық ортадағы құқықтарды қорғау нормасы жаңа дәуірдің талаптарына уақтылы жауап болып саналады.
Конституцияның новеллалары азаматтардың рөлін арттыруға және қоғамдық процестерге жастарды белсенді қатыстыруға бағытталған деп санаймын. Біз, жас ұрпақ, еліміздің жарқын болашағын қалаймыз, сондықтан бұл істе айрықша белсенділік танытуымыз қажет.
Мен және менің құрдастарым елдің одан әрі қарайғы дамуын айқындау жолындағы таңдауға өте жауапкершілікпен қарайды деп айта аламын. Біз үшін референдумға қатысу тек өз құқықтарымызды пайдаланып қана қоймай, азаматтық борышымызды орындау деп білемін.
15 наурызда өтетін референдум – тек дауыс беру ғана емес, бұл әрқайсымыздың ел тағдырына қосқан үлесіміз және біздің пікіріміз маңызды деп айтуға мүмкіндік беретін күн. Сондықтан жастар референдумға белсене атсалып, өз таңдауымызды жасайық. Болашақ біздің қолымызда!
Дания Бүркітбек,
Шелек политехникалық колледжінің студенті
Еңбекшіқазақ ауданы
