Журналистер министрден биыл 30 тамызда Конституция күні бұрынғыдай мерекелене ме және жаңа Конституция қабылданған жағдайда демалыс күні сақтала ма деген сұрақ қойған.
Министрдің айтуынша, бұл мәселе Конституция жобасында нақты көрсетілген.
«Мені де қызықтырады. Сіздер БАҚ-та жарияланған Конституция жобасын оқыдыңыздар ма? Егер оқыған болсаңыздар, 94-бап дәл осы мәселені қарастырады. Екінші тармаққа сәйкес, республикалық референдумда Конституция қабылданған күн мемлекеттік мереке болып есептеледі. Яғни, егер халық жаңа Конституция редакциясын қолдаса, Конституция күні 15 наурызда аталып өтеді. Сол себепті қазіргі 30 тамыздағы мереке күшін жоғалтады», – деді Ерлан Сәрсембаев.
Оның айтуынша, бұл мәселе бойынша түпкілікті шешім азаматтардың референдумдағы таңдауына байланысты болады.
