Құжатқа сәйкес, тыйым салынған препарат — «Стрептоцид» таблеткалары, 300 мг, контурлі жасушалық қаптамада 10 таблеткадан, 5 қаптама картон қорапта, өндіруші — Химфарм (Қазақстан), жарамдылық мерзімі – 08.2030.
Медициналық және фармацевтикалық бақылау комитетінің фармацевтикалық қызметті жоспардан тыс бақылау басқармасына шешім қабылданған күннен бастап бір жұмыс күні ішінде:
-
комитеттің аумақтық бөлімшелеріне;
-
дәрі-дәрмектер мен медициналық бұйымдарды айналымға енгізу саласындағы мемлекеттік сараптама ұйымына;
-
Әлеуметтік медициналық сақтандыру қоры;
-
СК-Фармация
тиісті ақпаратты жеткізу міндеті жүктелген.
Препаратты айналымнан алуға 2026 жылғы 18 ақпандағы «Дәрілік заттар мен медициналық бұйымдарды сараптау ұлттық орталығы» ШЖҚ хаты және 2026 жылғы 13 ақпандағы сынақ хаттамасы негіз болған. Бұйрық қол қойылған күннен бастап күшіне енді.
Сонымен қатар, бірқатар дәрілік заттардың тіркеу куәлігі қайтарылған:
-
«Левомицетин» (Хлорамфеникол), инъекцияға арналған ерітінді дайындауға арналған ұнтақ, 1 г. Тіркеу куәлігі иесі — Киевмедпрепарат (Украина);
-
«ГЛИТЕЙК» (Тейкопланин), инъекцияға арналған ерітінді дайындауға лиофилизат, 400 мг. Тіркеу куәлігі иесі — Киевмедпрепарат (Украина);
-
«Нименрикс®» менингококк инфекциясына қарсы конъюгатталған вакцина, 0,5 мл/доза. Тіркеу куәлігі иесі — Pfizer Inc. (АҚШ);
-
«Грасулан», модификацияланған босатылу капсулалары, 0,4 мг. Тіркеу куәлігі иесі — Grand Medical Group AG (Швейцария);
-
«Лайленон», үлдірлі қабықпен қапталған таблеткалар 25 мг және 50 мг. Тіркеу куәлігі иесі — Grand Medical Group AG (Швейцария).
Министрлік мәліметінше, қабылданған шаралар дәрілік заттардың қауіпсіздігін қамтамасыз ету және фармацевтикалық бақылауды күшейту мақсатында жүзеге асырылып отыр.
