Кездесу барысында Нұрлан Әбдіров Президентке алдағы республикалық референдумды ұйымдастыру және оған дайындық жұмыстарының барысы туралы баяндады. Оның айтуынша, дауыс беру науқанын өткізуге қатысты негізгі ұйымдастырушылық шаралар жоспарға сәйкес жүзеге асырылып жатыр.
Қасым-Жомарт Тоқаев референдумды өткізу кезінде ашықтық, заңдылық қағидаттарын қатаң сақтау және барлық азаматқа тең жағдай жасау маңызды екенін атап өтті. Президент дауыс беру процесінің әділ әрі жария өтуі басты талап екенін жеткізді.
