Облыстық тұрғын үй-коммуналдық шаруашылық және абаттандыру басқармасының мәліметінше, акцияға 849,2 мың адам және 8 836 кәсіпорын мен ұйым қатысты.
Жоспарланған шаралар аясында 17,5 мың тонна қоқыс жиналып, облыстың 429 мектебінде 11,2 мың түп ағаш отырғызылды. Сонымен қатар, әртүрлі сорттағы 14 мың келі тұқым себілді, 3,7 мыңнан астам техника бірлігі жұмылдырылды.
Акция нәтижесінде 3 048 көппәтерлі тұрғын үй, 55 парк пен сквер, 1 194 тарихи-мәдени ескерткіш және 1 055 әлеуметтік нысан тазартылды. Бұл экологиялық шаралар 2024–2029 жылдарға арналған «Таза Қазақстан» тұжырымдамасының іске асырылу жоспары аясында жүзеге асырылып келеді.
