«Баршаға арналған үлкен нарық: Қытайға экспорт» атты іс-шараның салтанатты ашылу рәсіміне Бейжің қаласының мэрі Инь Юн мен ҚХР Сауда министрі Ван Вэньтао қатысты. Шара аясында қазақстандық компаниялардың үздік өнімдері таныстырылып, олардың қатарында «Шин-Лайн» брендінің балмұздағы ұсынылды.
Алматы облысынан шығатын бұл өнімнің халықаралық алаңда таныстырылуы оның жоғары сапасы мен әлемдік нарықтағы бәсекеге қабілеттілігінің айқын дәлелі. «Шин-Лайн» өнімдері Қытай нарығына 2017 жылдан бері жеткізіліп келеді және тұтынушылар тарапынан тұрақты сұранысқа ие.
Айта кетейік, ұсынылған қазақстандық өнімдердің ішінде ҚХР Сауда министрі ерекше назарды дәл осы «Шин-Лайн» балмұздағына аударған.
