Атап айтқанда, Қарасай ауданында ауыл шаруашылығына арналған жалпы ауданы 5 гектар болатын жерлердің нысаналы мақсаты әкімдіктің жалған шешімдері негізінде заңсыз өзгертілгені белгілі болды. Кейін аталған аумақ 83 жеке жер учаскесіне бөлінген.
Прокуратураның талабымен Қарасай аудандық сотының шешімі арқылы жергілікті атқарушы органдардың жалған шешімдері заңсыз деп танылып, күші жойылды. Нәтижесінде мемлекеттің мүддесі қорғалды.
Осыған ұқсас жағдай Іле ауданында да тіркелген. Онда жеке тұрғын үй құрылысы үшін жер учаскесін беру туралы әкімнің шешімі жалған болып шыққан.
Прокурорлық қадағалау шараларының нәтижесінде сот шешімімен аталған жер учаскесі мемлекет меншігіне қайтарылды.
Аталған фактілер бойынша прокуратураның үйлестіруімен полиция басқармасы ҚР Қылмыстық кодексінің 385-бабының 3-бөлігі (жалған құжаттарды жасау және өткізу) бойынша қылмыстық іс тіркеді.
Қазіргі уақытта істің барлық мән-жайларын жан-жақты әрі объективті анықтауға бағытталған тергеу әрекеттері жүргізілуде.
Прокуратура ҚР ҚПК-нің 201-бабының 1-бөлігіне сәйкес сотқа дейінгі тергеп-тексеру деректері жария етілмейтінін еске салды.
