Қарасай ауданының білім бөлімінің мәліметінше, 15 жастағы оқушы бірінші сабақтан кейінгі үзіліс кезінде өзін жайсыз сезінген. Мектеп әкімшілігі дереу жедел жәрдем шақырып, баланың туыстарына хабар берген.
Оқиға орнына келген дәрігерлер реанимациялық шаралар жүргізгенімен, жасөспірімді аман алып қалу мүмкін болмаған.
Сондай-ақ оқиға орнына медицина қызметкерлерімен бірге жергілікті атқарушы орган өкілдері де келгені хабарланды. Марқұмның денесі сот-медициналық сараптамаға жіберілді.
Қазіргі уақытта оқиғаға байланысты тергеу амалдары жүргізіліп жатыр.
