Синоптиктердің мәліметінше, орталығы Сібір аумағында орналасқан кең ауқымды антициклон Қазақстанның солтүстік және шығыс өңірлерінде аязды ауа райын сақтап тұрады.
Ал республиканың батысы мен оңтүстігінде ауа райына оңтүстік циклон және онымен байланысты атмосфералық фронттар әсер етеді. Бұл аймақтарда жауын-шашын, негізінен қар түрінде, жаяу бұрқасын, желдің дауылды деңгейге дейін күшеюі және көктайғақ күтіледі.
«17–18 қаңтар күндері Түркістан облысы, Жамбыл облысы және **Алматы облысы**ның жекелеген аудандарында қатты жауын-шашын болжанады. Жаңа аптаның басында республиканың солтүстігіне, солтүстік-батысына және орталығына кезекті солтүстік-батыс циклон ығысып, қар мен бұрқасын әкеледі. Сондай-ақ бұл өңірлерде ауа температурасының біртіндеп жоғарылауы күтіледі», – делінген синоптиктер болжамында.
Сонымен қатар республика бойынша тұман түсуі мүмкін.
