Медициналық мекемелердің мәліметінше, барлық босанулар жоспарлы түрде өтіп, төтенше жағдайлар тіркелмеген. Аналар мен жаңа туған сәбилерге тәулік бойы белгіленген стандарттарға сәйкес медициналық көмек көрсетіліп, қазіргі таңда олардың жағдайы тұрақты деп бағалануда. Барлығы дәрігерлердің тұрақты бақылауында.
Салыстырмалы түрде алғанда, өткен жылдың жаңа жыл түні өңірде 11 сәби дүниеге келген болатын. Биыл бұл көрсеткіш 6 балаға артты. Мамандардың айтуынша, бұл Алматы облысында туу көрсеткішінің оң динамикасын көрсетеді.
Мереке күндері облыстағы босану үйлері мен перинаталдық орталықтар күшейтілген режимде жұмыс істеді. Медициналық персоналдың кезекшілігі толық көлемде ұйымдастырылып, босанушы әйелдер мен жаңа туған нәрестелерге уақытылы әрі сапалы көмек көрсету қамтамасыз етілді.
Алматы облысының Денсаулық сақтау басқармасында ана мен бала денсаулығын қорғау өңір үшін басым бағыттардың бірі болып қала беретінін атап өтті. Ведомство өкілдерінің айтуынша, қауіпсіз босану мен босанғаннан кейінгі күтімге барлық қажетті жағдай жасалған.
