Ерте жүктілік, педофилия, отбасылық қорлық зомбылық, алимент мәселелері ақ үйде талқыланады. Осы орайда отбасылық заң бұзушылықты ауыздықтайтын болашақта заң қабылданады делінді форумда. Айта кетейік, 2021 жылдан бастап Атамекен палатасының базасында әйелдерді қолдайтын, бағыт-бағдар беретін 17 орталық жұмысын бастады. Бұл орталық әйелдердің кәсібінің алға басуына және өзін дамытуға көмектеседі.
Десе де, ауыл әйелдерінің қамы қалтарыста қалып келеді делінді форумда. Кәсібін бастаймын деген әйелдерге мемлекеттік қолдау бар. Бірақ, мүмкіндікті көпшілік пайдалана алмайды. Мысалға,Түркістан облысында 1371 жеңілдетілген несие берілді. Құны 9,6 млрд болатын 274 жоба бар. Оның 48 пайызы әйел адамдардың үлесінде.
Ауыл өмірін жақсартуда кәсібін ашам деген әйелдерге бұдан да үлкен мүмкіндік жасау керек, дейді форумға қатысушылар. Мысалға, Жамбыл облысында 18 963 шаруа қожалығы бар, оның 4174 -ін әйелдер басқарып отыр. Биыл 86 әйелге қайтарымсыз грант алған.
Сарапшылардың айтуынша, кәсіпкерлікпен айналысам деген әйелдерге біріншіден қаржы, екіншіден бизнес туралы ақпаратты білмеуі кедергі көрінеді.
