Шараға Алматы облыстық мәслихатының төрағасы Қуат Байғожаев, Кеген ауданының әкімі Нұрбақыт Теңізбаев, Кеген аудандық мәслихатының төрағасы Алмасбек Нұғман, қоғам қайраткері, Алматы облысының Құрметті азаматы, Қазақстан Республикасының Құрметті құрылысшысы Бексырға Данышпанов, сондай-ақ ауылдық округ әкімдері, қоғам және мемлекет қайраткерлері қатысты.
Салтанатты жиынға қоғамдық ұйымдардың жетекшілері, бұқаралық ақпарат құралдарының өкілдері, еңбек ардагерлері мен мәдениет саласының майталмандары арнайы шақырылды.
Жаңа Мәдениет үйі ауылдың рухани-мәдени өмірінің заманауи орталығына айналып, мәдени іс-шаралар өткізуге, өнер мен шығармашылықты дамытуға, мәдени бастамаларды қолдауға және жас ұрпақтың талантын ашуға мүмкіндік береді. Жоба әлеуметтік инфрақұрылымды нығайтуға, ауыл тұрғындарының өмір сапасын арттыруға және ұлттық мәдени құндылықтарды сақтауға бағытталған.
Ашылу салтанаты тұрғындардың бірлігі мен ынтымағын, ортақ мақсаттарға ұмтылысын және аумақтың орнықты дамуына деген сенімін айқын көрсетті. Жылысай ауылы үшін бұл күн елді мекен тарихындағы маңызды кезеңдердің біріне айналып, мәдени дамудың жаңа белесін бастады.
