Қалған жер телімдері ауыл шаруашылығы мақсатында қайта пайдаланылып жатыр. Сонымен қатар 38 жер учаскесі бойынша жалға беру шарттарын бұзу туралы талап-арыздар сотқа жолданған. Бұл жұмыстар Балқаш, Жамбыл, Қарасай және Кеген аудандарында жүргізілуде.
Аудандық әкімдіктер жер телімдерін қайта бөлу үшін конкурстар ұйымдастырып, нәтижесінде оларды азаматтарға беру жоспарланып отыр.
Алматы облысы Жер қатынастары басқармасы басшысының орынбасары Артықбай Болғанбаевтың айтуынша, бұл бағыттағы жұмыстар прокуратура және жер инспекциясымен бірлесіп атқарылып жатыр.
«Өңір бойынша мемлекет меншігіне 90 мың гектар жерді қайтару жоспары бекітілген. Жыл басынан бері жалпы аумағы 91 мың гектарды құрайтын 308 жер учаскесі мемлекетке қайтарылды», – деді ол.
Айта кетейік, пайдаланылмай жатқан жерлерді мемлекет меншігіне қайтару және оларды қайта айналымға енгізу өңірде ауыл шаруашылығын дамытуға, сондай-ақ жер ресурстарын тиімді пайдалануға бағытталған.
