Кездесу барысында Тіл саясаты комитетінің төрағасы өңірде мемлекеттік тілді дамыту, оның қолданыс аясын кеңейту, қоғамдағы рөлін күшейту, сондай-ақ үйлесімді тілдік орта қалыптастыруға негізделген теңгерімді тіл саясатын іске асыру мәселелеріне кеңінен тоқталды.
Өз кезегінде Алматы облысының әкімі Марат Сұлтанғазиев мемлекеттік тілдің қоғамдық өмірдің барлық саласында қолданылуының маңызын атап өтті. Ол қазақ тілінің бәсекеге қабілетті ұлт қалыптастырудағы рөліне ерекше тоқталып, өңір жастарының сапалы білім алуға және заманауи дағдыларды меңгеруге деген ұмтылысын қолдайтынын жеткізді.
Айта кетейік, «Көп тіл – бір әлем» іс-шарасы өңірде көптілділікті дамыту, мемлекеттік тілдің мәртебесін арттыру және тілдік саясатты жүйелі түрде ілгерілетуге бағытталған.
